ورشة أدب !
شتيوي العطوي
ورشة أدب !
بينما كان أبو سعد يغطّ في نوم عميق، إذ سمع طرقا وقرقعة وصوت " دريل " ومنشار ، فنهض من فراشه وسأل أم سعد عما يجري حوله، فقالت : ما أدري يا بو سعد ، ما غير أسمع طق من صباح العالمين!
- وش هالطّق يا أم سعد اللي ما تدرين عنه !
- أبو سعد .. وش بلاك ؟ عسى تبيني أروح أشوف وش اللي يصير
- لا يا أم سعد . لكن لو كانت سالفة بأقصى الديرة كان جبتي خبرها .. أنا رايح أشوف وش السالفة
خرج أبو سعد حاسر الرأس، فوجد مجموعة من العمال يشتغلون، فقال لأحدهم : يا خوي أنتم وش تسوون ؟
- صديق أنا ما فيه معلوم .. إنته روح كلّم مدير !
_ وينه المدير ؟ .. يا مدير .. يا مدير !
_ فيه إيه يا باشا ؟
_ أنت المدير ؟
_ أيوه أنا المدير .. عايز حاجة !
- يا خوي تراكم صجيتونا .. صحيتونا من لذيذ النوم .. طق، طق !
- أعملك إيه ؟ .. أوقف الشغل على شان حضرتك تنام .. !
- أقول عندكم رخصة من البلدية ؟
- أيوه يا باشا،عندنا رخصة من البلدية والصحة والزراعة والتعليم والدفاع المدني وكلو .. إتكل على الله وسبنا نشتغل .
- يا خوي أريد أعرف وش تسوون ؟
- دحنا بنعمل ورشة !
- ورشة ! .. ليه ما تسوونها في المنطقة الصناعية ؟
- لأ يا باشا، ما يصحش ، دي ورشة حاجة تانية !
- وش هالورشة اللي بجنب بيوتنا ؟!
- دي ورشة " أدب " !
- عوذا ! .. يا خوي أنا أسمع بورشة سيارات .. ورشة حدادة .. ورشة نجارة ، لكن بعمري ما سمعت ورشة أدب .. وش يصلحون فيها ؟
- يآآآه .. دنتا فايق ورايق !.. أنا أفهمك ... يعني واحد عندو قصّة، عندو ديوان ، عندو رواية عايز يسمكرها .. عايز يوضّبها .. عايز يلمّعها يجي عند الجماعة هنا
- أفا ! ما بقى غير البنشر
- وكمان فيه بنشري ومطعم للمّحمر والمجمّر . يا باشا ، هنا كل حاجة إنته عايزها : سباكة ، نجارة ، ترميم ، ترقيع ، وبرضو فيه قسم للديكورات .
- أقول : ما عندكم " تشليح " ! ترى أهم شي عندي المطعم ، والباقي ما علينا منه . نسلّم عليك
- مع السلامة يا باشا
رجع أبو سعد إلى بيته ودخل على أم سعد يضحك !
- خير يا بو سعد .. أشوفك تضحك ؟
- إيه أضحك . أجل تبيني أبكي .. شي يضحّك البعارين ! . ورشة يا أم سعد !
- وينها ؟
- جنبنا يا بنت الحلال
- جنبنا .. وتسكت !
- إيه أسكت .. تدرين ليه ؟
- ليه يا بو سعد ؟
- بها مطعم يا أم سعد !
- عسى بها مرقوق وجريش
- إيه يا أم سعد .. ومجلّلة وخميعاء بعد
- أقول يا أم سعد .. ما عندك قصيصة ، سالفة طويلة يا أم سعد .. أخبرك تحبين السوالف
- وش تبي فيها ؟
- الخير جنبنا يا أم سعد .. كلمتين وغطاوتهن وتصيرين الأديبة " أم سعد " !
- وبعدين ؟
- وبعدين نبيع الكلمتين !
- وش اللي قاعد تقوله .. آخر عمرنا نصير بياعين كلام ؟!
- إيه يا أم سعد الكلام صار له ورشة : سمكرة .. توضيب .. تلميع . والله لو تدخلينها غير تطلعين موضبة مسمكرة مهندزة ملمّعة .
- أبو سعد !
- يا خير !
- تراك اليوم نسيت تاخذ حبوب الضغط والسكري !
- هاتيهن يا أم سعد
( مشهد من أحلام المساء )
بينما كان أبو سعد يغطّ في نوم عميق، إذ سمع طرقا وقرقعة وصوت " دريل " ومنشار ، فنهض من فراشه وسأل أم سعد عما يجري حوله، فقالت : ما أدري يا بو سعد ، ما غير أسمع طق من صباح العالمين!
- وش هالطّق يا أم سعد اللي ما تدرين عنه !
- أبو سعد .. وش بلاك ؟ عسى تبيني أروح أشوف وش اللي يصير
- لا يا أم سعد . لكن لو كانت سالفة بأقصى الديرة كان جبتي خبرها .. أنا رايح أشوف وش السالفة
خرج أبو سعد حاسر الرأس، فوجد مجموعة من العمال يشتغلون، فقال لأحدهم : يا خوي أنتم وش تسوون ؟
- صديق أنا ما فيه معلوم .. إنته روح كلّم مدير !
_ وينه المدير ؟ .. يا مدير .. يا مدير !
_ فيه إيه يا باشا ؟
_ أنت المدير ؟
_ أيوه أنا المدير .. عايز حاجة !
- يا خوي تراكم صجيتونا .. صحيتونا من لذيذ النوم .. طق، طق !
- أعملك إيه ؟ .. أوقف الشغل على شان حضرتك تنام .. !
- أقول عندكم رخصة من البلدية ؟
- أيوه يا باشا،عندنا رخصة من البلدية والصحة والزراعة والتعليم والدفاع المدني وكلو .. إتكل على الله وسبنا نشتغل .
- يا خوي أريد أعرف وش تسوون ؟
- دحنا بنعمل ورشة !
- ورشة ! .. ليه ما تسوونها في المنطقة الصناعية ؟
- لأ يا باشا، ما يصحش ، دي ورشة حاجة تانية !
- وش هالورشة اللي بجنب بيوتنا ؟!
- دي ورشة " أدب " !
- عوذا ! .. يا خوي أنا أسمع بورشة سيارات .. ورشة حدادة .. ورشة نجارة ، لكن بعمري ما سمعت ورشة أدب .. وش يصلحون فيها ؟
- يآآآه .. دنتا فايق ورايق !.. أنا أفهمك ... يعني واحد عندو قصّة، عندو ديوان ، عندو رواية عايز يسمكرها .. عايز يوضّبها .. عايز يلمّعها يجي عند الجماعة هنا
- أفا ! ما بقى غير البنشر
- وكمان فيه بنشري ومطعم للمّحمر والمجمّر . يا باشا ، هنا كل حاجة إنته عايزها : سباكة ، نجارة ، ترميم ، ترقيع ، وبرضو فيه قسم للديكورات .
- أقول : ما عندكم " تشليح " ! ترى أهم شي عندي المطعم ، والباقي ما علينا منه . نسلّم عليك
- مع السلامة يا باشا
رجع أبو سعد إلى بيته ودخل على أم سعد يضحك !
- خير يا بو سعد .. أشوفك تضحك ؟
- إيه أضحك . أجل تبيني أبكي .. شي يضحّك البعارين ! . ورشة يا أم سعد !
- وينها ؟
- جنبنا يا بنت الحلال
- جنبنا .. وتسكت !
- إيه أسكت .. تدرين ليه ؟
- ليه يا بو سعد ؟
- بها مطعم يا أم سعد !
- عسى بها مرقوق وجريش
- إيه يا أم سعد .. ومجلّلة وخميعاء بعد
- أقول يا أم سعد .. ما عندك قصيصة ، سالفة طويلة يا أم سعد .. أخبرك تحبين السوالف
- وش تبي فيها ؟
- الخير جنبنا يا أم سعد .. كلمتين وغطاوتهن وتصيرين الأديبة " أم سعد " !
- وبعدين ؟
- وبعدين نبيع الكلمتين !
- وش اللي قاعد تقوله .. آخر عمرنا نصير بياعين كلام ؟!
- إيه يا أم سعد الكلام صار له ورشة : سمكرة .. توضيب .. تلميع . والله لو تدخلينها غير تطلعين موضبة مسمكرة مهندزة ملمّعة .
- أبو سعد !
- يا خير !
- تراك اليوم نسيت تاخذ حبوب الضغط والسكري !
- هاتيهن يا أم سعد
( مشهد من أحلام المساء )